Barnakórar taka þátt í barnamenningarhátíð

Barnakórar Akureyrarkirkju taka þátt í barnamenningarhátíð á Akureyri með verkefninu Tónatal. Tónatal er samstarfsverkefni kóranna og nemenda 4.-5. bekkjar í Glerárskóla undir leiðsögn og stjórn Elsu Maríu Guðmundsdóttur myndmenntakennara og Sigrúnar Mögnu Þórsteinsdóttur kórstjóra. 

 Tónatal mun opna í Hamragili í Menningarhúsinu Hofi á sumardaginn fyrsta 20. apríl 2023. Við opnun sýningarinnar syngja barnakórarnir  undir stjórn Sigrúnar og á veggjum í Hamragili verða um 30 myndverk sem tengjast lögunum og eru eftir börnin í  Glerárskóla, unnin undir handleiðslu Elsu.

Tónatal er styrkt af barnamenningarsjóði.