Fréttir

Aðventan hófst 3.desember sl.og markar upphaf nýs kirkjuárs.  Orðið aðventa merkir koma.  Þá undirbúum við komu jólanna, fæðingarhátíð frelsarans.  Aðventa er jólafasta.

Þann 10.desember verður guðsþjónusta kl.11.  Félagar úr Kór Akureyrarkirkju leiða söng.  Organisti er Eyþór Ingi Jónsson og prestur sr.Óskar Hafsteinn Óskarsson.  Sunnudagaskóli á sama tíma í Safnaðarheimilinu.

Sunnudaginn 3.desember, sem er fyrsti sunnudagur í aðventu, verður guðsþjónusta kl.11.  Kór Akureyrarkirkju syngur.  Organisti er Eyþór Ingi Jónsson og prestur sr.Svavar A.

Síðasta sunnudag kirkjuársins, 26.nóvember, verður fjölskylduguðsþjónusta kl.11.  Súpa og brauð á eftir í Safnaðarheimilinu.  Prestur:  Sr.Sólveig Halla Kristjánsdóttir.

Nú á sunnudaginn býður ÆSKEY til hátíðar sem hefst í Brekkuskóla kl.10 með Pálínuboði.Venjan í Pálínuboðum er sú að hver og einn kemur með eitthvað góðgæti með sér og leggur á sameiginlegt hlaðborð sem allir gestir njóta síðan af.

Sunnudaginn 19.nóvember kl.14 verður hátíðarmessa í kirkjunni.  Tilefnið er afmælisdagur kirkjunnar en hún á 66 ára vígsluafmæli á þessu ári.  Kór Akureyrarkirkju syngur ásamt Stúlknakórnum.

Klukkan 20.30 sunnudaginn 12.nóvember verður Matthíasarvaka í tali og tónum í Akureyrarkirkju.Meðal flytjenda eru Þórunn Valdimarsdóttir ævisagnaritari, Guðrún Ásmundsdóttir leikkona, söngvaskáldið Megas, Hilmar Örn Agnarsson organisti og Stúlknakór Akureyrarkirkju.

Í dag, 6.nóvember, munu fermingarbörn um allt land ganga í hús með söfnunarbauka fyrir Hjálparstarf kirkjunnar.  Að þessu sinni beinist aðstoðin til bágstaddra í Úganda.

Á sunnudaginn verður messa kl.11.  Fyrsti sunnudagur í nóvember kallast allra heilagra messa og þá er látinna sérstaklega minnst.  Einnig verður altarisganga.  Kór Akureyrarkirkju leiðir sönginn.

Í tilefni af því að ný biblíuþýðing er væntanleg í vetur verða teknir fyrir nokkrir textar og bornir saman, rætt um þýðingu þeirra og merkingu, og þeir skoðaðir í samhengi sínu og dreginn lærdómur af þeim fyrir samfélag, kirkju og einstaklinga.