Fréttir

Akureyrarkirkja hin nýja verður 65 ára á fimmtudaginn, en hún var vígð þann 17.nóvember 1940.Af þessu tilefni verður hátíðarmessa í kirkjunni sunnudaginn 20.nóvember klukkan 14.

Á sunnudag, allra heilagra messu, verður messa í Akureyrarkirkju þar sem sr.Óskar H.Óskarsson þjónar og kór kirkjunnar syngur undir stjórn Eyþórs Inga Jónssonar.Eftir messu verða fræðslustund og léttar veitingar í Safnaðarheimili, þar sem Hirut Beyene og Kusse Koshoso frá Konsó í Eþíópíu ræða um kristniboð og hjálparstarf.

Á hádegistónleikum í Akureyrarkirkju laugardaginn 5.nóvember klukkan 12 leikur Eyþór Ingi Jónsson organisti verk eftir Johann Sebastian Bach og Pablo Bruna.Aðgangur er ókeypis og allir velkomnir.

Á nýafstöðnu Kirkjuþingi var samþykkt ályktun Fjárhagsnefndar þess efnis að Kirkjuráð kanni frekar rekstargrundvöll Kirkjumiðstöðvar á Akureyri, húsnæði og fleiri atriði áður en Kirkjuþing taki endanlega ákvörðun um málið.

Samverustund eldri borgara verður í Safnaðarheimili Akureyrarkirkju fimmtudaginn 3.nóvember frá kl.15-17.Þar mun séra Birgir Snæbjörnsson lesa úr nýútkominni bók sinni, Því ekki að brosa, og Barnakór Akureyrarkirkju syngur undir stjórn Eyþórs Inga Jónssonar.

Við messu sunnudaginn 16.október klukkan 14 verða sr.Óskar Hafsteinn Óskarsson og sr.Sólveig Halla Kristjánsdóttir sett inn í embætti presta við Akureyrarkirkju.Kór kirkjunnar syngur undir stjórn Björns Steinars Sólbergssonar og Sigríður Aðalsteinsdóttir syngur einsöng.

Fræðslukvöld verða á fimmtudögum í október og nóvember 2005 í umsjá sr.Guðmundar Guðmundssonar, héraðsprests.Í október verður viðfangsefnið Heimilið - vettvangur trúaruppeldis.

Stoppleikhópurinn sýnir nýtt íslenskt barnaleikrit, Kamilla og þjófurinn, í Safnaðarheimili Akureyrarkirkju klukkan 11 sunnudaginn 9.október.Allir eru velkomnir.Leikgerð Stoppleikhópsins er byggð á þekktri sögu eftir Kari Vinje en Valgeir Skagfjörð er höfundur tónlistar og söngtexta.

Fermingarfræðslan er nú í þann mund að hefjast.Nemendum er skipt í þrjá hópa eins og undanfarna vetur.Í hópi 1 eru nemendur Oddeyrarskóla og 8.B Brekkuskóla, í hópi 2 væntanleg fermingarbörn úr Lundarskóla og í hópi 3 eru nemendur úr 8.

Fimmtudaginn 6.október klukkan 15 verður opið hús fyrir eldri borgara í Safnaðarheimili Akureyrarkirkju.Ræðumaður er séra Sólveig Halla Kristjánsdóttir.Unnur Helga Möller syngur einsöng.